دينا الشربيني تكشف أخطاء عملها عندما كانت مذيعة وتعترف كنت صغيرة فى السن

 * لما كنت مذيعة كنت " ضايعة " بطلع أقول اي حاجة كان سني عشرين 

* " كامل العدد " نجاح له مذاق خاص لارتباطه بالأطفال ومرحلة فنية هامة بالنسبة لي

* بحب الأدوار " النكد " لأني بحس أني باذلة مجهود كبير لكن بترهقني وأفضل متأثرة شوية

*  الكوميدي ليس سهلاً لان إضحاك الناس يحتاج جهد وبفضل خايفة الناس تقول دمي تقيل

 وصفت الفنانة دينا الشربيني رحلتها كمذيعة في بدايتها الفنية بأنها كانت " ضائعة " قائلة : " كنت صغيرة أوي في برنامج شبابيك عمري كان لسه عشرين سنة كنت بطلع أقول اي حاجة "

أشارت خلال لقاء   " عبر " برنامج " كلمة أخيرة " الذي تقدمه الإعلامية لميس الحديدي على شاشة “ ON":" إلى أنه في رحلتها من المذيعة لكامل العدد كانت مليئة بالنجاحات بداية من " جراند أوتيل " ومروراً ب" زي الشمس " ثم مليكة لكن كامل العدد بجزئية بالأخص السيزون الأخير مثل لها سعادة غامرة لأنه إرتبط بالأطفال

أكملت : لما بلاقي الناس من الأطفال في سن أربع سنوات لحد الكبار بيشوفوني بيحبوني ويتصوروا معايا ده أجمل إحساس دلوقتي حسيت أني عملت حاجة أبقى ماشية مبسوطة بيها "

ورداً على سؤال الحديدي هل بعد تلك النجاحات وكامل العدد حددتي مسارك تراجيدي أم كوميدي : أو توليفة دينا الشربيني أجابت قائلة : لسه معرفتش قعدت فترة بعمل "سسبنس " ورا بعض وكنت حابه أدخل في الزاوية دي لان مافيش بنات كتيرة بتدخل فيها بس بعدها ومع الوقت حسيتت الناس زهقت"

 أردفت : لما بشوف دور حلو وأنا بحب النكد ف الأدوار ببقى مبسوطة في التصوير في الأدوار الكوميدي لكن التراجيدي له مذاق خاص لأنه بحسب بمجهود ومذاكرة وتعب وأنا شخصياً بتعب وبفضل متأثرة شوية "

 واصلت : الكوميدي مرهق برضه من ناحية أني لازم أنجح في إضحاك الناس ببقى طول الوقت خايفة يبقى دمي تقيل أو بستظرف "