كشفت الفنانة صبا مبارك خلال اللقاء عن أصعب مشهد لها في مسلسل بين السطور، قائلة «أصعب مشهد هو لحظة معرفتي خبر وفاة والدتي بالعمل، والذي قدمت دورها سلوى محمد علي، لأنّي تذكرت لحظة وفاة والدتي في الحقيقة، وكان مشهد مؤلم جدًا لي».

   واصلت خلال لقاء عبر برنامج " كلمة أخيرة " الذي تقدمه الإعلامية لميس الحديدي على شاشة ON:" في الحقيقة في المشهد ده كنت صبا شوية مش هند لان وفاة أمي كسرت حتة كبيرة وهي أقسى الأحداث التي مرت علي في حياتي "

   أردفت : " حسيت ده في المشهد أوي لدرجة أن فيه جملة فلتها في المشهد مكنتش موجودة في " الاسكربت " وهي جملة " ماستنتنيش ليه قررتي لوحدك تمشي ؟ كانت اللحظة دي شخصية جدا لما ماتت أمي كانت صغيره جدا وحسيت أنها مش عايزة تكمل "

   أكملت : فاكره لما توفت زعلت أكتر منها قبل ما أحزن وكنت بقولها إنتي خلاص مشيتي ؟ وده كان أول يوم تصوير  دخلت على المشهد ده "

   إستطردت : " أنا تربيت مع أمي وأنا بنت أمي وعشان كده في شبه بيني وبين هند في الحتة دي أنا فعلا ما عشتش مع أبويا لكن مكنش شبه أبو هند بهذه القسوة "

   أتمت : " عدم وجود الأب ف حياة البنت مؤثر علشان كده بقول للناس قرار الأبوة والأمومة مش سهل لان عدم وجود الأب في حياة بنته شيء صعب جدا "

   وعن تأثير عدم وجود والدها معها قالت : " أثر كتير خلاني أقوى لكن القوة مش دائما أمر مستحسن أوقات بنحس أننا محتاجين تتنسند على حد في وقت تعودت فيه ما تسندش على حد "

كلمات مفتاحية بالخبر