الطمع هيخلينى اتبلى عليك و ارمى عليك بلايا .. شفتوا سفاله اكتر من كده …

حوار بين المغربى ومحامى الخصم ..  عنوان الحوار   الطمع هيخلينى اتبلى عليك و  ارمى عليك بلايا  .. شفتوا سفاله اكتر من كده … ????

المكان   غرفه بجانب استوديو  التصوير 

الوقت قبل التصوير مباشره ..

الحضور   أنا وابنى يوسف ومحامى الخصم كان هيسجل معايا حلقه على الهوى واتنين معلمين جزارين من امبابه واحد منهم اسمه المعلم كريم دبور .. اللى سجلوا بعدنا فى الحلقه مع ا حسن محفوظ .. والحاج كريم كان متعاون معايا جدا وداخل فى الحوار وقال حلول كتيره من ضمنها نعمل قاعده عنده فى امبابه ..وانا طبعا وافقت .. المهم 

دار الحوار الاتى  بين المغربى ومحامى الخصم .

المحامى  مساء الخير استاذ محمد أنا المستشار القانونى  للنجم ايهاب توفيق وديه اول مره اقابلك فيها … اهلا بحضرتك ..

المغربى  اهلا بحضرتك  يا متر وانا اتشرفت بمعرفتك ..

المحامى  عايزين نخلص الموضوع التنازل ده ونخلص لك المشكله وانا عارف هيخلص ازاى  … خلاصته فلوس شوف هتدفع كام ونخلص الموضوع … 

المغربى  انا كنت اتفقت هدفع ٥٠٠ الف ووقت التنفيذ النجم طلب ٢ مليون جنيه وحاليا أنا مش هدفع ولا جنيه والموضوع كده خلص  هنشوف السوشيال ميديا وتأثير  الراى العام او  حكم المحكمه  وانا راضى بحكم المحكمه مهما كان .. 

المحامى  موضوع السوشيال ميديا ذاد عن حده والشكل العام مش حلو ليكم انتم الاتنين لازم وقفه .. 

المغربى  أنا بقالى ٩ سنين بحرى وراكم فى المحاكم ومفاوضات ومفيش حل ولما اتفقنا على مبلغ هو اللى غير رأيه وطلب ٤ أضعاف المبلغ  وده طمع طبعا .

المحامى  طب هندخل نعمل ايه وهل فى امكانيه نلغى التسجيل او نتفق هنقول  ايه عشان نخلى الشكل العام كويس للطرفين .. 

المغربى  انت عارف انى  معايا   الحق والموضوع هيخلص فى المحكمه هو انت وايهاب بتعملوا كده ليه الكوره فى ملعبكم انتم اللى تقدروا توقفوا كل ده  .. 

المحامى  ايهاب طيب ومحترم وانت عارف كده بس مشكلته العصابه اللى ماشيه حواليه بتاكل عيش من وراه وهما اللى دخلوه المتاهه ديه  وقلنا اسم اتفقنا عليه احنا الاتنين انه هو اللى ورا كل المشاكل ديه … 

المغربى  لما انت عارف كده يلى نخلص الفيلم ده  ايهاب يروح يسحب ورقه التنازل  من الملف ويخلص الموضوع ..

المحامى  الموضوع مش هيخلص غير لو قعدت انت وايهاب لوحدكم  وانا هظبط القاعده ديه واكلمك هات رقم تليفونك والمقابله هتكونوا لوحدكم 

المغربى  أنا موافق ومفيش اى مانع عندى هروحله اى مكان تحدده عشان نخلص .. أتفضل خد الرقم وابعتلى اى وقت .. واديته رقمى ..

لو سمحت يا متر لما انت عارف الحقيقه  انت هتدخل تقول ايه على الهوا .. 

المحامى  هدخل أساند النجم  وأخلى شكله حلو و هارمى بلايا عليك واتبلى عليك واقول اى كلام هحاول اخلى شكل ايهاب حلو  مفيش ادامى حل تانى ..  واللهى العظيم ده اللى قاله بالحرف هرمى بلايا عليك واتبلى عليك .. 

هذا ما حدث والله على ما اقول شهيد ..  احكموا براحتكم واكتبوا رساله للمحامى  ورساله للنجم .. يمكن ضميرهم يصحى برساله حد منكم ..